Kijeŭ nie choča iści pa šlachu mirnaha ŭrehulavańnia kanfliktu i vykarystaŭ mirnuju pieradyšku vyklučna dla pierahrupoŭki sił, zajaviŭ prezident Rasii Uładzimir Pucin.
dni.ru
«Na žal, aficyjnyja kijeŭskija ŭłady admaŭlajucca iści pa šlachu mirnaha ŭrehulavańnia, nie žadajuć vyrašać palityčnymi srodkami. To spačatku pravaachoŭnyja orhany vykarystali, potym słužbu biaśpieki, potym armiju», — skazaŭ jon padčas sustrečy sa studentami Nacyjanalnaha minieralna-syravinnaha univiersiteta «Horny» ŭ Sankt-Pieciarburhu.
Va Ukrainie, pavodle jaho słoŭ, adbyvajucca «trahičnyja padziei, pa sutnaści, hramadzianskaja vajna». «I na Ukrainie, pa-mojmu, užo mnohija heta vydatna razumiejuć», — skazaŭ Pucin.
Na dumku Pucina, ukrainskaja armija — heta nataŭski lehijon, jaki pieraśleduje nie nacyjanalnyja intaresy Ukrainy, a maje namier dasiahnuć hieapalityčnych metaŭ strymlivańnia Rasii.
«My časta kažam: ukrainskaja armija, ukrainskaja armija. Na samaj spravie, chto tam vajuje? Tam sapraŭdy častkova aficyjnyja padraździaleńni uzbrojenych siłaŭ, ale ŭ značnaj stupieni heta tak zvanyja «dobraachvotnickija nacyjanalistyčnyja bataljony», — skazaŭ Pucin.
