president.gov.by
Kiraŭnik dziaržavy Alaksandr Łukašenka 9 studzienia pryniaŭ udzieł u cyrymonii ŭručeńnia premii prezidenta Respubliki Biełaruś «Za duchoŭnaje adradžeńnie», śpiecyjalnych premij prezidenta dziejačam kultury i mastactva, Śpiecyjalnaj premii «Biełaruski spartyŭny alimp», paviedamlaje jaho pres-słužba.
Alaksandr Łukašenka ŭ čas cyrymonii padkreśliŭ, što ŭručeńnie premii «Za duchoŭnaje adradžeńnie» nie vypadkova prymierkavana da Rastva.
«Bo prychilnaść chryścijanskim kaštoŭnaściam, maralnym, estetyčnym tradycyjam źjaŭlajecca adnym z hałoŭnych faktaraŭ u raźvićci biełaruskaj nacyi, zachavańni jaje adzinstva», — skazaŭ kiraŭnik dziaržavy.
«Da čaho moža pryvieści hrebavańnie imi, pakazvajuć padziei ŭ našych susiedziaŭ. Chvala mižnacyjanalnych, mižkanfiesijnych kanfliktaŭ, terarystyčnych pahroz achapiła siońnia ŭvieś śviet», — kanstatavaŭ kiraŭnik dziaržavy.
Alaksandr Łukašenka adznačyŭ, što ŭ hetych umovach asablivuju kaštoŭnaść nabyvajuć adzinstva i zhurtavanaść naroda. Jak skazana ŭ Jevanhielli: «Usiakaje carstva, jakoje raździaliłasia samoje ŭ sabie, apuścieje, a dom, jaki raździaliŭsia sam u sabie, padzie». Historyja vučyć, što tolki mir i zhoda słužać nadziejnym padmurkam dabrabytu luboj krainy. Mienavita na hetym padmurku my budziem budavać i budujem našu dziaržavu», - zajaviŭ biełaruski lidar.