Jak paviedamili ŭ milicyi, 6 studzienia ŭ pieršaj hadzinie nočy kala adnaho z načnych mahazinaŭ Bresta złamyśnik źviarnuŭsia da 29-hadovaj žančyny-vadziciela z prośbaj padvieźci ŭ rajon Centra tvorčaści moładzi. Jon spasłaŭsia na toje, što nibyta nie miascovy i drenna viedaje horad.
Zatym, paprasiŭšy paviarnuć u adzin z dvaroŭ u centralnaj častcy horada, złamyśnik napaŭ na žančynu, jakaja była za rulom. Joj udałosia pakinuć aŭtamabil. Pakul vadziciel vyklikała milicyju, złačynca ŭciok.
U razmovie z paciarpiełaj jon nazvaŭsia Ivanam, žycharom Minska, jaki pryjechaŭ u Brest da blizskich svajakoŭ.
Pa ŭstanoŭlenych u mahazinie kamierach videanazirańnia paciarpiełaja ŭkazała na mužčynu, jaki napaŭ na jaje. Jon padazrajecca va ŭčynieńni złačynstva, praduhledžanaha č. 1 art. 339 UK (chulihanstva).
Milicyja źviartajecca z prośbaj da hramadzian, jakija viedajuć napadaŭšaha, paviedamić pa telefonach: +375 292 200 398; +375 298 236 590 (MTS); +375 296 867 279 (Viełkam): abo pa telefonie śpieclinii 102 u miascovy orhan unutranych spraŭ.
