Kiraŭnik Čačni Ramzan Kadyraŭ nazvaŭ eks-kiraŭnika kampanii JUKAS Michaiła Chadarkoŭskaha voraham ŭsich musulman śvietu i svaim asabistym voraham paśla taho, jak toj zaklikaŭ žurnalistaŭ publikavać karykatury na praroka Muchamieda.
«Kali žurnalisty — hodnaja supolnaść, zaŭtra nie pavinna być vydańnia biez karykatury na praroka», — napisaŭ Chadarkoŭski ŭ «Tvitary» paśla napadu na redakcyju satyryčnaha časopisa Charlie Hebdo ŭ Paryžy.
«Svaimi biazmozhłym dziejańniami Chadarkoŭski pastaviŭ na sabie kryž. Jon abviaściŭ siabie voraham ŭsich musulman śvietu. Značyć, i maim asabistym voraham», — adkazaŭ Kadyraŭ ŭ «Instahramie».
Pry hetym Chadarkoŭski supravadziŭ svoj zaklik tłumačeńniem «dla niakiemlivych»: «Chaj ryzykujučy žyćciom, treba dakazvać kožny raz — teror nie vyrašaje prablemy. Inakš my nie ludzi, a statak».
Adnak Ramzana Kadyrava takoje tłumačeńnie vidavočna nie zadavoliła.
«Paśla kryvavaha zdareńnia ŭ Paryžy jon ŭjaviŭ siabie bolšym francuzam, čym prezident Francyi i premjer-ministr hetaj krainy. U toj čas jak francuzskija ŭłady zaniatyja rasśledavańniem i pryniaćciem mier, jakija praduchilili b dalejšaje nahniatańnie napružanaści, Chadarkoŭski patrabuje ad usich žurnalistaŭ paŭtareńnia vopytu paryžskaha vydańnia i drukavańnia karykatur», — aburajecca čačenski lidar.
Staršynia parłamienta Čačenskaj respubliki Dukuvacha Abdurachmanaŭ taksama nazvaŭ Michaiła Chadarkoŭskaha svaim voraham. Jon abvinavaciŭ Chadarkoŭskaha ŭ sprobie «zarabić ački na raspalvańni mižrelihijnaj i mižnacyjanalnaj varožaści».
