The Nature Methods journal publikuje spravazdaču kamandy nieŭrołahaŭ University College London, jakija navučylisia zdymać infarmacyju z asobnych niejronaŭ, vykarystoŭvajučy ŭspyški śviatła jak stymulatar.
Z peŭnym dapuščeńniem možna skazać, što navukoŭcy navučylisia vyklikać peŭnuju «dumku» myšej šlacham padboru źniešniaha razdražnialnika.
Technałohija dazvalaje vybaračna stymulavać asobnyja niejrony mozha ŭ roznych spałučeńniach i acanić adkaz. Starejšy aŭtar Majkł Choser, prafiesar nieŭrałohii ŭ Instytucie miedyka-bijałahičnych daśledavańniaŭ Volfsana, śćviardžaje, što takaja zvarotnaja suviaź dazvalaje daśledavać pracu mozha. «Hetak ža, jak my abjadnajem peŭnyja słovy ŭ skazy, jakija vyklikajuć adkaz ad taho, kamu my havorym, tak i z dapamohaj śviatła my aktyvujem peŭnyja kambinacyi niervovych kletak u intaktnym mozhu i zapisvajem reakcyju inšych kletak».
Navukoŭcy navučylisia stymulavać adnyja i tyja ž hrupy niejronaŭ u myšej i ciaham niekalkich tydniaŭ zapisvali i analizavali reakcyju mozha. Dziela kantrolu stymulavalisia i hrupy niejronaŭ, jakija reahujuć na dotyk. U kožnym vypadku razdražnieńnie abmiežavanaj hrupy kletak vyklikała kompleksnuju reakcyju socień susiednich niejronaŭ. Pieravaha mietadu ŭ tym, što jon nie patrabuje apieratyŭnaha ŭmiašańnia: mozh zastajecca niezakranutym, intaktnym, tamu reakcyi ničym nie skažajucca, a sam ekśpierymient faktyčna nie ŭpłyvaje na zdaroŭje paddoślednych.
Daśledčyki ŭpeŭnienyja, što praciahłyja ekśpierymienty ŭ hetym napramku dazvolać «uzłamać kod» pačućciaŭ, zrazumieć, jak mozh apracoŭvaje infarmacyju i prymaje rašeńni. U budučyni stanie mahčymym analiz pracesaŭ, jakija adbyvajucca ŭ chvorym mozhu, a taksama asablivaściaŭ adčuvańnia ŭ aŭtystaŭ i ludziej z zamarudžanym psichičnym raźvićciom.
