«Vy nie naradzilisia niepryhožaj, a prosta trapili pad błahi ŭpłyŭ karparacyj i kiepski hust».
Takoje mierkavańnie vykazała redaktarka partała w-o-s.ru Hanna Žaŭniarovič. I paraiła dziaŭčynam pazbavicca ŭsiaho, što ź ciulu, infantylnych trusikaŭ z Hello Kitty i Spanč Bobam, futra, zališniaj kreatyŭnaści dy polietylenavych pakietaŭ u rukach.
I kali z hetymi punktami jašče možna pahadzicca i z bolem u sercy padaravać biełuju sukienku ź ciulu najlepšaj siabroŭcy, to pazbavicca švedara, trekinhavych botaŭ (bo jany «źniščyli nie adno libida»), pierastać zimoj adziavać lubimaha sabaku (jamu ž choładna!)— heta padajecca nierealnym. Navat dziela kapryznaha mužčynskaha libida.
A heta jašče nie ŭsio. Zabivaje žanočuju pryvabnaść techničnaja adukacyja: «Mužčyny paźbiahajuć stresu, tamu maksimum, na što zdolnyja z techničnaj damaj — 10 chvilin pahutaryć pra HTML5 i razyścisia. Razmaŭlajcie pra vysokaje i nie raspaviadajcie jamu, jak ustrojenaja razietka», — raić Hanna.
Zastałasia kisłaja fizijanomija. U 2015 hodzie varta jaje pazbavicca.