U Mścisłaŭskim rajonie Mahiloŭskaj vobłaści 14 śniežnia byŭ zatrymany aŭtamabil, jaki pieravoziŭ harełku zamiest kambikarmoŭ.
Pavodle źviestak pres-słužby Dziaržaŭnaha mytnaha kamiteta, mašyna «DAF» była spyniena słužbovymi asobami Mahiloŭskaj mytni sumiesna z supracoŭnikami ADAI Mścisłaŭskaha RAUS, AMAP HUUS Minharvykankama i supracoŭnikami terytaryjalnych orhanaŭ pahraničnaj słužby ŭ rajonie vioski Kaśkova.
Zhodna z dakumientami, pradjaŭlenymi vadzicielem, u aŭtamabili pieravoziłasia 14 ton karmavych dabavak u adras adnoj ź fiermierskich haspadarak Hrodzienskaj vobłaści. Pry praviercy tavaru ŭ hruzavym adsieku vyśvietliłasia, što pad vyhladam karmavych dabavak u krainu sprabavali ŭvieźci 18.320 butelek harełki rasijskaj vytvorčaści na ahulnuju sumu bolš jak 1 młrd rubloŭ.
Ałkaholnaja pradukcyja kanfiskavana. Raspačaty administracyjny praces.
