Nadychodzić natchnialny čas krochkich śniažynak i maroznych karunkaŭ, skrynak z padarunkami i hučnych chłapušak, łasunkaŭ i prysmakaŭ! Novy hod — heta zaŭsiody novyja spadziavańni, čakańni i, kaniečnie ž, novyja viedy!
I kampanija «Budźma biełarusami!» hatovaja hetymi viedami dzialicca. Ni dnia biez novaha biełaruskaha słova ŭ 2015 hodzie dziakujučy naściennamu kalendaru «Nie maŭčy pa-biełarusku!»
Novy hod z paznavalnym kalendarom ad «Budźma!» — heta 365 biełaruskich słovazłučeńniaŭ u viasiołych malunkach mastački Darji Mandzik, aŭtarki idei prajekta «Nie maŭčy pa-biełarusku!». Dyzajnierskaje afarmleńnie, jak i samu ideju kalendara, prapanavaŭ Anatol Łazar (studyja «Adliha»). Kožny miesiac pryśviečany peŭnaj temie, bolš za toje, raspracoŭščyki parupilisia, kab hetaj temie adpaviadali i admietnyja biełaruskija prymaŭki na kožnaj staroncy kalendara. Ježa, vopratka, kvietki, žyvioły, vandroŭki i adpačynak – kalandar uzbahacić vaš słoŭnikavy zapas amal va ŭsich śfierach žyćcia!
«Hety hod adznačyŭsia ŭsploskam cikaŭnaści biełarusaŭ da svajoj movy! Heta, jak i pośpiech paštovak ź sieryi «Nie maŭčy pa-biełarusku!», natchniła nas na stvareńnie kalendara, – kaža Alena Makoŭskaja, kaardynatarka kampanii «Budźma biełarusami!». – Prajekt z paštoŭkami byŭ pryjazna pryniaty jak publikaj, tak i prafiesijnaj supolnaściu na fiestyvali AD.NAK!. Naturalna, što našaj kamandzie bačyŭsia praciah, i ideja z kalendarom nam vielmi spadabałasia. My prosta ŭjavili, jak fajna budzie, kali čałaviek, što cikavicca rodnaj movaj, budzie vučyć kožny dzień novaje słova ci słovazłučeńnie. Pierad nami stajała zadača stvaryć nie tolki pryhožy i pazityŭny pradukt, ale i prademanstravać admietnyja, smačnyja słovy, jakija najcikaviej ilustrujuć biełaruskuju movu. A pakolki ŭkładalniki kalendara – ludzi tvorčyja, to nie abyšłosia, biezumoŭna, biez haračych dyskusij. I tut vielmi darečy byli i fiłałahičnyja viedy kaardynatarki kampanii Niny Šydłoŭskaj, i dapamoha ekśpierta – Uładzimira Lankieviča».
Ideja kalendara — Anatol Łazar. Ideja prajekta «Nie maŭčy pa-biełarusku!» – Darja Mandzik.
Układalniki: Darja Mandzik, Anatol Łazar, Uładzimir Lankievič, Alena Makoŭskaja, Nina Šydłoŭskaja.
Nie maŭčym razam pa-biełarusku ŭ 2015 hodzie!
Kalandar «Nie maŭčy pa-biełarusku!» užo siońnia ŭ minskich kniharniach:
«Akademkniha» (pr-t Niezaležnaści, 72),
kniharnia «łohvinaŬ» (pr-t Niezaležnaści, 37A),
«Kniharnia piśmieńnika» (vuł. Kazłova, 2),
«Viedy» (vuł. K.Marksa, 36),
«Śvietač» (pr-t Pieramožcaŭ, 11),
«Centralny knižny» (pr-t Niezaležnaści, 19),
«Knihi & knižački» (pr-t Niezaležnaści, 14),
Knižnaja vystava-kirmaš «Mir knih» (vuł. Janki Kupały, 27),
«Eŭryka» (vuł. Kujbyšava, 75).
Nieŭzabavie ŭ rehionach:
h. Viciebsk («Viedy», vuł. Lenina, 54; «Śvietač», vuł. Kirava, 10), h. Hrodna («Pramietej», vuł. Savieckaja, 10), h. Bieraście («Iskra», vuł. Puškinskaja, 4), h. Lida («Knižny śviet», pr. Pieramohi, 33), h. Maładziečna («Spadčyna», vuł. Prytyckaha, 7), h. Babrujsk («Bukinist», vuł. Uljanaŭskaja, 49), h. Navapołack («Dom knihi», vuł. Maładziožnaja, 145; «Uschod», vuł. Kirava, 4), h. Połack («Śvietač», vuł. Kamunistyčnaja, 21), h. Baranavičy («Knihi», vuł. Savieckaja, 73).
I ŭ internet-kramach knihi.by, prastora.by i imbryk.by.
