Biełaruski partał TUT.BY źbirajecca ładzić kursy biełaruskaj movy. Pra heta «Našaj Nivie» paviedamiŭ zasnavalnik TUT.BY Juryj Zisier.
Pavodle jaho słovaŭ, pakul jość tolki ideja i žadańnie zrabić takija zaniatki.
«Učora było pieršaje abmierkavańnie prajekta, i raspracoŭka prahramy była daručana redaktarcy partała Alonie Šaramiet-Andrejevaj — jana entuzijastka, jana budzie hetym zajmacca. Ciapier rychtujecca kancepcyja. Miarkuju, kursy pačnucca ŭ listapadzie, kali nie ŭ pačatku, dyk u kancy dakładna», — skazaŭ sp.Zisier.
Jon taksama dadaŭ, što zaniatki buduć prachodzić raz ci dva razy na miesiac.
Alona Šaramiet-Andrejeva kaža: «My dobra viedajem, što ŭ našaj aŭdytoryi ŭzrastaje popyt na vyvučeńnie movy, što nas ciešyć. Siarod našaj kamandy razhladajucca varyjanty, pry jakich my zmožam prapanavać praktyki ŭ biełaruskaj, naprykład, naviedvalnikam našaj Halerei TUT.BY, ale kazać pra toje, što my stvarajem svaje kursy — nie zusim karektna».
Adnak jana taksama zapeŭniła, što «kalkavać toje, što ŭžo rabiłasia my nie źbirajemsia».