Upieršyniu paśla zakančeńnia «chałodnaj vajny» ŭ Jeŭropu prybyli amierykanskija tanki.
U troch krainach Bałtyi i ŭ Polščy razhortvajecca padraździaleńnie ZŠA Ironhorse («Žalezny koń»). U jaho skład uvachodziać blizu 700 vajskoŭcaŭ i dvaccać tankaŭ M1A1 Abrams, a taksama BMP Bradley i bajavyja braniravanyja mašyny Stryker, piša ZN.ua.
Uličvajučy ŭzrovień ŭzbrajeńnia, heta budzie adzin z samych hroznych vajskovych kantynhientaŭ, jakija adpraŭlajucca na terytoryju byłoha Savieckaha Sajuza. Akramia taho, sa słoŭ amierykanskich vajskoŭcaŭ, heta pieršy vypadak z kanca «chałodnaj vajny», kali ŭ Jeŭropu davodzicca adpraŭlać amierykanskuju branietechniku.
Pozna ŭviečary ŭ sieradu, 1 kastryčnika, u Vientśpiłski port prybyło sudna, jakoje dastaviła ŭ Łatviju amierykanskija tanki i bajavyja mašyny piachoty. Adnak da ŭčorašniaha viečara nie razhružałasia.
Taksama pačałasia vyhruzka vajskovaj techniki ŭ Estonii.