Habryel Junijon i Duejn Uejd, čyje intymnyja fotazdymki stali abjektam chakierskaha złačynstva, ažanilisia 30 žniŭnia 2014 hoda, ale sustrakalisia da viasiella na praciahu 5 hadoŭ.
Chakiery 20 vieraśnia, u čarhovy raz, vykłali ŭ internet śviežuju porcyju intymnych fotazdymkaŭ znakamitaściaŭ.
Pieršaja porcyja takich fota stała ahulnadastupnaj na pačatku vieraśnia.
Na hety raz fatahrafii, vykradienyja chakierami z asabistych «ajfonaŭ» zorak, źjavilisia adrazu na niekalkich sajtach i imkliva razyšlisia pa internecie. Administratary zorak ekstrana vydalajuć fatahrafii, ale mnohija karystalniki paśpieli pieranieści ich u sacyjalnyja sietki.
Navinavy partał TMZ paviedamlaje, što na hety raz chakiery vykłali ŭ sieciva raniej nieapublikavanyja fota zorki amierykanskich realici-šoŭ Kim Kardašjan, amierykanskaj futbalistki Choup Soła, aktorak Kiejli Kuoka-Śvicinh, Vanesy Chadžans i h.d.
Amierykanskaja para — aktrysa Habryel Junijon i amierykanski baskietbalist Duejn Uejd, jakija taksama stali achviarami chakieraŭ, patrabujuć ad FBR pravieści rasśledavańnie chakierskaha ŭzłomu.
Viadoma, što Habryel Junijon i Duejn Uejd stali siamiejnaj paraj 30 žniŭnia 2014 hoda, ale sustrakalisia da viasiella na praciahu 5 hadoŭ.
— Nam stała viadoma, što intymnyja momanty, jakija my dzialili vyklučna adzin z adnym, byli vykradzienyja ściarviatnikami, — havorycca ŭ ich sumiesnaj zajavie.
— My šlem ŭsim paciarpiełym našu luboŭ, padtrymku i malitvy. My nie zrabili ničoha drennaha, — zajavili Habryel Junijon i Duejn Uejd, źviartajučysia da ŭsich achviar chakierskaha złačynstva.
