Konkursnaja kamisija ŭ Piermi abrała novaha mastackaha kiraŭnika Piermskaha teatra lalek na miesca Ihara Tarnaŭskaha, jaki pajšoŭ z žyćcia ŭ 2013 hodzie. Im staŭ režysior Biełaruskaha dziaržaŭnaha teatra lalek Alaksandr Januškievič, paviedamlaje partał «Naviny Piermi».
Januškievič budzie zaćvierdžany na pasadzie 1 studzienia 2015, a da hetaha zojmiecca pastanoŭkaj śpiektakla «Narodny Małachij», jaki budzie pastaŭleny na hrant fiederalnaha biudžetu.
Alaksandr Januškievič skončyŭ Biełaruskuju akademiju mastactvaŭ pa śpiecyjalnaści «akcior teatra lalek» u 2001 i pa śpiecyjalnaści «režysura teatra lalek» u 2011. U 2001 pryniaty ŭ trupu Biełaruskaha teatra lalek u jakaści akciora, z 2010 režysior-pastanoŭščyk.
0
0
0
0
0
0
