U vyniku abstrełu kałony biežancaŭ u Łuhanskaj vobłaści zahinuli dziasiatki mirnych žycharoŭ, siarod ich šmat dziaciej.
Pra heta padčas bryfinhu ŭ paniadziełak paviedamiŭ pradstaŭnik Infarmacyjnaha centra RNBA Andrej Łysienka.
Pa słovach Łysienki, kałona składałasia z dvuch častak: darosłych i dziaciej. To bok, jak adznačyŭ Łysienka, dzieci pieravozilisia asobna.
Jon taksama adznačyŭ, što kałona mieła ŭsie apaznavalnyja znaki, nieabchodnyja dla biežancaŭ ź mirnaha nasielnictva. Na transparcie byli biełyja ściahi i znaki ab tym, što pierasoŭvajecca mirnaje nasielnictva.
Transpart dla biežancaŭ źbirali, jak mahli. U pryvatnaści, hruzaviki uciekačam dali vajskoŭcy.
«Papiarednie, bajeviki čakali hetuju kałonu i takim čynam całkam jaje razbambili. Pakul nie ŭdajecca padličyć dakładnuju kolkaść achviar», — skazaŭ Łysienka.
Jon taksama nie zmoh nazvać dakładnuju kolkaść adzinak transpartu z hetaj kałony.
Na ŭdakładniajučaje pytańnie adnosna kolkaści achviar Łysienka skazaŭ: «Heta dziasiatki».
Jon raspavioŭ, što infarmacyja pra vyjezd biežancaŭ była raspaŭsiudžanaja siarod miascovaha nasielnictva, tamu jana nie mahła być sakretnaj.
«Kałonu amal całkam źniščyli», — skazaŭ jon.
Raniej paviedamlałasia ab tym, što bajeviki abstralali kałonu ŭciekačoŭ, jakuju vyvodziła apieratyŭnaje kamandavańnie «Poŭnač».