U Minsk 19 žniŭnia prybudzie hrupa ekśpiertaŭ Ministerstva abarony Polščy. Pra heta paviedamili ŭ Minabarony Biełarusi.
Hrupa ekśpiertaŭ prybudzie ŭ Minsk dla ŭdziełu ŭ rabočaj sustrečy pradstaŭnikoŭ uzbrojenych siłaŭ Biełarusi i Polščy pa acency vykanańnia damoŭlenaści ab nabory dadatkovych da Vienskaha dakumienta 2011 mier pa ŭmacavańni davieru i biaśpieki, pryniatych krainami.
Uznačalić polskuju hrupu načalnik adździeła pa kantroli nad razzbrajeńniem Departamienta pa palitycy mižnarodnaj biaśpieki pałkoŭnik Robiert Cepka. Kiravać biełaruskaj delehacyjaj na pieramovach budzie načalnik Nacyjanalnaha ahienctva pa kantroli i inśpiekcyjach — departamienta Ministerstva abarony Biełarusi pałkoŭnik Juryj Čarnucha.
Baki abmiarkujuć sučasny stan i pierśpiektyvy dalejšaha raźvićcia supracoŭnictva dźviuch dziaržaŭ u halinie kantrolu nad uzbrajeńniami.