Siły Antyterarystyčnaj apieracyi ŭziali pad kantrol Lisičansk. Pra heta paviedamiŭ u svaim Fejsbuku kamandzir ukrainskaha dobraachvotnickaha bataljona «Danbas» Siamion Siamienčanka.
«Lisičansk uziaty. Terarysty (Lisičanski harnizon vialikaha vojska danskoha) źbiehli, — napisaŭ Siamienčanka kala 21-j hadziny. — Dziakuj bajcam bataljona «Danbas» i 24 bryhady Uzbrojenych siłaŭ Ukrainy. Jany pa vieku našy małodšyja braty, ale šmat u čym pieraŭzychodziać nas pa ciarpieńni, mužnaści, stojkaści. Viečnaja pamiać zahinułym pry ŭziaćci horada. Nočču žycharam prośba nie vychodzić z chaty. Heta pakul niebiaśpiečna. Słava Ukrainie!»
U dadatku jon infarmuje svajakoŭ bajcoŭ «Danbasu», što ŭ bataljonie troje lohka paranienych, ale ŭ inšych častkach jość čałaviečyja straty.