U Minsku ŭ suviazi z asfaltavańniem płoščy Banhałor 27 lipienia na hetym učastku abmiažujuć ruch usich vidaŭ transpartu, paviedamili ŭ dziaržaŭnaj ustanovie «Staličny transpart i suviaź».
Admianiajecca rabota tralejbusnych maršrutaŭ № № 28, 29, 33, 46, 68. Tralejbus № 12 na ŭčastku ad vuł. Kujbyšava da DS «Karastajanavaj» budzie ruchacca pa vuł. V. Charužaj, bulvary Šaŭčenki, vuł. Kachoŭskaj, vuł. Karastajanavaj u abodvuch napramkach. Ruch tralejbusaŭ maršrutu № 34 z boku DS «Anharskaja-4» arhanizujecca pa vuł. Surhanava, K. Čornaha da vuł. Tałbuchina, № 37 na ŭčastku ad vuł. Niamiha da vuł. K. Čornaha — pa vuł. Bahdanoviča, Kupały, Kujbyšava, Surhanava ŭ abodvuch napramkach.
Tralejbus № 53 z boku DS «Malinaŭka-4» budzie ruchacca pa vuł. Bahdanoviča, Kupały, Kujbyšava, Surhanava, K. Čornaha, Tałbuchina, Knoryna, Kalinoŭskaha da DS «Kalinoŭskaha», № 92 z boku DS «Čyžoŭka-6» — pa vuł. Surhanava, K. Čornaha, Tałbuchina, Kiedyški, Słavinskaha da DS «Słavinskaha».
Dla zručnaści pasažyraŭ lipieni 27 arhanizujecca praca časovych aŭtobusnych maršrutaŭ № 946 «DS Zialony łuh-7 - pł. Miaśnikova» (pa trasie ruchu tralejbusnaha maršrutu № 46) i № 933 «DS Adojeŭskaha — Akademičnaja» (z rucham pa vuł. Adojeŭskaha, prasp. Puškina, vuł. Arłoŭskaja, vuł. Surhanava ŭ abodvuch kirunkach).
Pasažyram, jakija majuć šmatrazovyja prajaznyja dakumienty na tralejbus, dajecca prava prajezdu biez dadatkovaj apłaty ŭ aŭtobusach maršrutaŭ № № 38, 91, 933, 946 na ŭčastkach, jakija dublujucca i zakryvajucca.
