Ministr zamiežnych spraŭ Litvy Linas Linkiavičus prybyŭ u Biełaruś z dvuchdzionnym rabočym vizitam, paviedamili ŭ pres-słužbie litoŭskaha MZS.
Na 24 lipienia zapłanavany pieramovy Linkiavičusa z premjer-ministram Biełarusi Michaiłam Miaśnikovičam. 25 lipienia kiraŭnik MZS Litvy sustreniecca sa svaim biełaruskim kaleham Uładzimiram Makiejem. Jak paviedamiŭ pres-sakratar MZS Biełarusi Dźmitryj Mirončyk, ministry majuć namier abmierkavać «šyroki śpiektr pytańniaŭ biełaruska-litoŭskaha supracoŭnictva, a taksama ŭzajemadziejańnie Biełarusi i Jeŭrapiejskaha sajuza».
Vizit Linasa Linkiavičusa źjaŭlajecca vizitam u adkaz — Uładzimir Makiej naviedaŭ Vilnius 28 lutaha — 1 sakavika hetaha hoda pa zaprašeńni litoŭskaha kalehi, adznačyŭ Mirončyk.
25 lipienia kiraŭnik źniešniepalityčnaha viedamstva Litvy taksama sustreniecca z pradstaŭnikami apazicyjnych palityčnych partyj, hramadzianskaj supolnaści i svajakami palitźniavolenych.
U 2012 hodzie Linas Linkiavičus na praciahu čatyroch miesiacaŭ (z 24 lipienia pa 28 listapada) pracavaŭ pasłom Litvy ŭ Biełarusi, a zatym byŭ adklikany z hetaj pasady ŭ suviazi z pryznačeńniem na pasadu ministra zamiežnych spraŭ Litvy.
