Pakul biełaruskija VNU pravodziać dadatkovy nabor na niepapularnyja śpiecyjalnaści, kab vykanać płan pryjoma navat za košt abituryjentaŭ z tryma bałami za test, «NN» vyrašyła daviedacca, za miescy na jakich fakultetach zmahalisia samyja razumnyja biełarusy.
Adrazu treba skazać, što siurpryzaŭ nie było. Abituryjentaŭ ź vialikimi bałami bolš za ŭsich pryciahvaje Biełaruski dziaržaŭny ŭniviersitet. Z 10 samych prestyžnych śpiecyjalnaściaŭ 6 naležyć mienavita BDU.
U 2014 hodzie palmu pieršynstva ŭziali śpiecyjalnaści «Suśvietnaja ekanomika» fakulteta mižnarodnych adnosin BDU i «Biznes-administravańnie» Instytuta biznesu i menedžmientu technałohij ź nieabchodnym dla pastupleńnia 371 bałam.
Letaś rekordny prachadny bał u 388 punktaŭ mieła śpiecyjalnaść «Mižnarodnaje prava», jakoj navučajuć na FMA BDU.
Inšyja ŭniviersitety z tradycyjna vialikimi prachadnymi bałami — Biełaruski dziaržaŭny ŭniviersitet infarmatyki i radyjoelektroniki (BDUIR), Biełaruski dziaržaŭny ekanamičny ŭniviersitet (BDEU), Biełaruski dziaržaŭny miedycynski ŭniviersitet, Minski dziaržaŭny linhvistyčny ŭniviersitet.
Top-10 śpiecyjalnaściaŭ z najvyšejšymi prachadnymi bałami ŭ minskich VNU vyhladaje nastupnym čynam:
| Miesca | Bał | Śpiecyjalnaść | Fakultet | Univiersitet |
|---|---|---|---|---|
| 1. | 371 | «Suśvietnaja ekanomika» | Fakultet mižnarodnych adnosin | BDU |
| 1. | 371 | «Biznes-administravańnie» | Instytut biznesu i menedžmientu technałohij | BDU |
| 2. | 370 | «Aktuarnaja matematyka» | Fakultet prykładnoj matematyki i infarmatyki | BDU |
| 3. | 369 | «Mižnarodnaje prava» | Fakultet mižnarodnych adnosin | BDU |
| 4. | 366 | «Kiravańnie infarmacyjnymi resursami» | Instytut biznesu i mienedžmientu technałohij | BDU |
| 4. | 366 | «Infarmatyki i technałohii prahramavańnia» | Fakultet kampjutarnych sistem i sietak | BDUIR |
| 5. | 364 | «Mižnarodnyja adnosiny» | Fakultet mižnarodnych adnosin | BDU |
| 6. | 360 | Stamatałahičny fakultet | BDMU | |
| 7. | 358 | Farmaceŭtyčny fakultet | BDMU | |
| 8. | 357 | «Prahramnaje zabieśpiačeńnie infarmacyjnych technałohij» | Fakultet kampjutarnych sistem i sietak | BDUIR |
| 9. | 354 | «Linhvistyčnaje zabieśpiačeńnie mižkulturnych kamunikacyj» | Fakultet mižnarodnych biznes-kamunikacyj | BDEU |
| 10. | 353 | «Sučasnyja zamiežnyja movy (pierakład)» | Pierakładčycki fakultet | MDŁU |
| 10. | 353 | «Linhvistyčnaje zabieśpiačeńnie mižkulturnych kamunikacyj» | Fakultet mižkulturnych kamunikacyj | MDŁU |
