Fota Vilmantas Žilinskas
U bližejšyja sutki, 9 lipienia, sinaptyčnaja situacyja nie źmianicca, paviedamlaje sajt Biełhidramieta. Nočču pieravažna biez apadkaŭ. Dniom u asobnych rajonach karotkačasovyja daždžy, navalnicy. Viecier uschodni ŭmierany, pry navalnicach paryvisty. Tempieratura pavietra hetaj nočču +13.. +19°C, maksimalnaja dniom +23..+29°C. Atmaśfierny cisk budzie padać.
U dalejšym (10—11 lipienia) nadvorje ŭ krainie budzie vyznačać paŭdniovaja pieryfieryja paŭnočnaha antycykłona z centram nad Karelijaj i niaŭstojlivyja ciopłyja pavietranyja masy, jakija iduć z Ukrainy i jeŭrapiejskaj častki Rasii.
10 i 11 lipienia ŭ asobnych rajonach projduć karotkačasovyja daždžy, navalnicy. Viecier uschodni, paŭnočna-ŭschodni ŭmierany, pry navalnicach paryvisty, dniom u piatnicu miescami mocny paryvisty. Unačy 10 lipienia +13.. +18°C, 11 lipienia +11.. +17°C; dniom 10 lipienia słupki termomietraŭ pakažuć +22.. +27°C, 11 lipienia +19.. +26°C.
