U sud Kastryčnickaha rajona Minska nakiravana kryminalnaja sprava ŭ dačynieńni da kiraŭnika pryvatnaj infarmacyjna-aśvietnaj ustanovy «Płatform inaviejšn» Andreja Bandarenki, jaki abvinavačvajecca ŭ chulihanstvie.
Pra heta paviedamiŭ aficyjny pradstaŭnik Upraŭleńnia Śledčaha kamiteta pa Minsku Alaksandr Hierasimaŭ.
Bandarenka byŭ zatrymany supracoŭnikami Kastryčnickaha RUUS Minska 1 krasavika i z taho času ŭtrymlivajecca ŭ staličnym śledčym izalatary № 1 na vulicy Vaładarskaha.
Usiaho pravaabaroncu vystaŭleny abvinavačańni pa troch epizodach učynieńnia złačynstvaŭ, praduhledžanych častkami 1 (chulihanstva) i 3 art. 339 (asabliva złosnaje chulihanstva) Kryminalnaha kodeksa. Jamu pahražaje ad 3 da 10 hadoŭ pazbaŭleńnia voli.
Papiaredniaje rasśledavańnie pa kryminalnaj spravie ŭ dačynieńni da Andreja Bandarenki, jaki abvinavačvajecca va ŭčynieńni chulihanskich dziejańniaŭ, źviazanych z prymianieńniem fizičnaj siły, było zavieršana Kastryčnickim (Minska) rajonnym adździełam Śledčaha kamiteta ŭ kancy maja hetaha hoda.
Śledstva ŭstanaviła try epizody chulihanskich dziejańniaŭ, učynienych abvinavačvanym, dva ź jakich źviazanyja z prymianieńniem nasilla ŭ dačynieńni da žančyn.
Supraćpraŭnyja dziejańni abvinavačvanaha, jak paviedamlałasia raniej, paćvierdžany pakazańniami vidavočcaŭ, vynikami ekśpiertyz, videamateryjałami, inšymi dokazami, sabranymi padčas śledstva. Jaho ŭčynki kvalifikavanyja śledčymi jak złačynstvy, praduhledžanyja častkami 1, 2 i 3 art. 339 KK (chulihanstva, złosnaje chulihanstva i asabliva złosnaje chulihanstva). Bandarenka znachodzicca pad vartaj.
Čytajcie taksama:
Pa kryminalnym abvinavačvańni aryštavany pravaabaronca Andrej Bandarenka
SK: Pravaabaronca Andrej Bandarenka napadaŭ na žančyn
Śledčy kamitet: sud nad Andrejem Bandarenkam budzie adkrytym
***
U 2011 h. Bandarenku zasnavaŭ «Płatformu» — arhanizacyju, jakaja zajmałasia abaronaj pravoŭ čałavieka ŭ miescach pazbaŭleńnia voli.
U kastryčniku 2012 hoda «Płatforma» była likvidavanaja rašeńniem Minskaha haspadarčaha suda, paśla čaho Bandarenka i jaho adnadumcy zasnavali novuju arhanizacyju — «Płatform inaviejšn».
