Šatłandskija navukoŭcy vyśvietlili, jakija rysy tvaru robiać čałavieka pryvabnym, paviedamlaje Daily Mail. Tak, jany śćviardžajuć što formuła pryhažości — heta maleńki padbarodak, vialikija vočy, pulchnyja ščoki, nizka pasadžany nos i ružovy koler tvaru.
Daśledavańnie pravodzili śpiecyjalisty škoły nieŭrałohii i psichałohii univiersiteta Sent-Endru. Ekśpierty vykarystoŭvali dla hetaha kampjutarnuju prahramu, jakaja praanalizavała sotni tvaraŭ. U vyniku było vyviedziena idealnaje spałučeńnie simpatyčnaj źniešnaści.
Paśla hetaha byli apytanyja 90 darosłych, jakim pakazali partrety 200 dziaciej, ź ich liku vybrali 20 najbolš miłavidnych.
Jak raspavioŭ adzin z aŭtaraŭ pracy, prafiesar Devid Pieret, u mnohich piersanažaŭ dysnejeŭskich multfilmaŭ byli takija miłavidnyja rysy. Heta, da prykładu, Hanna i Elza z novaha filma «Chałodnaje serca». Taksama Pieret nazvaŭ i realnych pradstaŭnikoŭ padobnaj pryhažości. Da ich, pa jaho słovach, možna adnieści aktorku Emu Stoŭn.
Daily Mail adznačaje, što heta pieršy vypadak, kali navukoŭcy zmahli vyvieści dakładnuju formułu lepšych rys tvaru. Pryčym, jak śćviardžajuć daśledčyki, raspracavanaja formuła padychodzić i žančynam, i mužčynam. Nos u vyhladzie knopki i pulchnyja ščoki ličacca miłavidnymi i ŭ dziaciej.
