48-hadovy piśmieńnik pabraŭsia šlubam z 23-hadovaj madellu Łaraj Mišel. Taksama Łara źjaŭlajecca studentkaj fakulteta mastactvaznaŭstva paryžskaha Katalickaha instytuta.
Pierš, čym advažycca na hetak surjozny krok, epatažny aŭtar «Apoviedaŭ pad ekstazi», «Kachańnie žyvie try hady» i «99 frankaŭ» sustrakaŭsia sa svajoj vybrańnicaj čatyry hady. 25-hadovaja roźnica va ŭzroście francuza nikoli nie biantežyła. U adnym ź intervju jon pryznavaŭsia: «Ja vampir, ja dumaju, što pražyvu daŭžej, kali budu žyć ź junymi dziaŭčynami. Ščyra kažučy, ja znachodžu ludziej svajho pakaleńnia davoli złaviesnymi stvareńniami». Taksama Biehbieder kazaŭ: «U mianie zaležnaść ad adrenalinu ŭ kryvi, kali serca bjecca pry dumcy pra čałavieka i pra našyja sustrečy».
Viasielle adbyłasia tajemna. Niešmatludnaja ŭračystaść była arhanizavanaja na Bahamach. Siarod hanarovych zaprošanych haściej byŭ vydaviec Žan Iŭ Le Fiur.
Dla Łary Mišel heta pieršy šlub. Frederyk Biehbieder ŭžo byŭ žanaty z Dyjanaj de MakMahan, adnak raźvioŭsia ŭ dalokim 1996 hodzie, da taho, jak atrymaŭ suśvietnuju viadomaść, vydaŭšy knihu «99 frankaŭ» u 2000 hodzie. Ad pieršaha šlubu ŭ piśmieńnika jość 14-hadovaja dačka Chłoja. Taksama jon byŭ žanaty ź piśmieńnicaj Delfinaj Valet.
