..a tabie skažuć: nie błytaj Rasiju i ruskich. Dziaržava — heta adno, a narod — heta absalutna inšaje.
Ale što rabić z narodam, jaki svaju dziaržavu padtrymlivaje čym dalej, tym hłybiej? Jany pravodziać sacapytańni. 75% rasijan padtrymlivajuć hetaha, vałaokaha. Adymajem limonaŭcaŭ ci fašystaŭ. Adymajem, naprykład, nacmienšaści. I zastajucca? U Rasii ruskich 79%, i 75% rasijan padtrymlivajuć Pu. Jak ža raździalić pucinskuju Rasiju i hety cudoŭny ruski narod?
Nu dobra. Dapuścim, jość u ich tam try z pałovaj adekvatnyja čałavieki. Ale miaža adekvatnaści dzie? Tut. Niedaloka. Za apošnija paru dzion ceły Vieler i cełaja Łatynina svoj kalektyŭny rozum prymusili svaju kalektyŭnuju dumku vierbalizavać.
Łatynina: «V sosiedniej stranie, v Biełoruśsii, tolko oficialnyje vyvieski na biełorusskom, a vsie kommierčieskije vyvieski na russkom. Pri etom v Biełoruśsii, kak eto ni stranno, siejčas podspudno pri riežimie Łukašienko tot, kto hovorit na biełorusskom, sčitajetsia takim, vrodie, diśsidientom.
Jesť problema, čto rośsijskij jazyk boleje mohuč i raźvit, čiem ukrainskij. Puškin i dažie Hohol pisali na russkom. Jesť primier strany Šviejcarija, kotoraja imiejet 3 jazyka i ničieho».
I Vieller: «Posočuvstvovať možno vsiačieski, potomu čto jeśli na rinh vypustiť v odnom hosudarstvie dva ravnopravnych hosudarstviennych jazyka, ukrainskij i russkij, to ukrainskij, koniečno, ostanietsia tolko vot tam, v rajonie Ivano-Frankovska, potomu čto za etimi jazykami stojat nie ravnyje moŝi, kulturnyje tradicii i tak daleje, i tak daleje. Koniečno, po-ukrainski bólšaja časť nasielenija hovoriť i nie budiet, jeśli russkij budiet vtorym hosudarstviennym».
Što takoje hetaja samaja ruskaja kulturnaja tradycyja? Tyja ž samyja piersanažy praź miesiac buduć uzhadvać Piatra i skardzicca na toje, što nijakaj nachier ruskaj kulturnaj tradycyi nikoli nie było i što navat Noŭharad jany dałučyli siłaj i nijakaje naŭharodskaje vieča pry hetym na Maskoviju nie raspaŭsiudziłasia, za toje na Noŭharad imkliva raspaŭsiudziŭsia ardynski havionny substrat. Jazdžajcie ŭ Noŭharad zaraz ža. Pahladzicie, u jakim paradyzie liberte jon žyvie.
Paśla Vieler ci Łatynina moža być raskažuć, što tyja niekalki dziasiatkaŭ vialikich ludziej, jakija statystyčna pavinny byli naradzicca na šostaj častcy sušy, prychodzili ŭ žach ad padšefnaha naroda i niaredka sprabavali jamu pra heta zajavić. Paśla my, moža być, pačujem pra toje, što ruski narod akramia nacysckaha dekłaravańnia svajoj bohaabranaści ź siabie ničoha nie vycisnuŭ i što honar, AKMam raściahnuty na pałovu stahodździa, nie ŭražvaje. Ale heta paśla. A ciapier! Ciapier sprava inšaja. Ciapier treba, kab bulbašy z chachłami viedali: biez ruskaj kulturnaj tradycyi usim p… I miljard indusaŭ, jakija nie naradzili svajho Dastajeŭskaha i sposaba składvać pieč, pavinny azadačycca: jak, suka, žyć? I skaracić papulacyju da nula.
Ruskaja kulturnaja tradycyja, kaniečnie, padamnie lubuju inšuju. I pačnie ź biełaruskaj. Ale u mianie pytańnie: a jak jana budzie jaje padminać? Možna mnie pakazać miechanizm na palcach? Ja dyk voś što dumaju: 99% rasijan z ruskaj kultury pamiatajuć tolki pra litaraturu, ź litaratury pra Puškina, a z Puškina — adnu załatuju rybku. A załatoj rybkaj jany ni bulbaša ni žyda-banderaŭca nie zavalać. Bolšaść ludziej plavać chacieła na lubyja prajavy vysokaj kultury. U ich hałovach siadziać tabu: Puškin — vialiki paet. Ruskaja mova –mahutnaja i vialikaja. Ruskija – duchoŭnyja.
Toj adzin pracent ludziej, katory viedaje akramia Puškina jašče paru-trojku imionaŭ, nazavie, naprykład, i Kamiu, i Rylkie, i Ajn Rend, i Bykava, i Vaniehuta, i Jerafiejeva i jašče šmat kaho. I ruskaja kulturnaja tradycyja niejak z hetych imionaŭ nie skleicca.
Zatoje sklejacca z cytat i pytańnie, i adkaz.
— Chotiat li russkije vojny?
— Narod i partija jediny.
