Biełaruskaja čyhunka z 27 maja prypynić prodaž kvitkoŭ na ciahniki ŭłasnaha farmiravańnia va Ukrainu. Ab hetym paviedamili ŭ pres-centry BČ.
«Pa paviedamleńni Dziaržaŭnaj administracyi čyhunačnaha transpartu Ukrainy ŭ suviazi ź nieabchodnaściu praviadzieńnia karekciroŭki raskładu ruchu mižnarodnych ciahnikoŭ, uviadzieńniem dadatkovych prypynkaŭ u znosinach z Krymskaj dyrekcyjaj, časova z 27 maja prypyniajecca prodaž prajaznych dakumientaŭ na ciahniki farmiravańnia Biełaruskaj čyhunki, jakija kursujuć ŭ hetym napramku», — skazali ŭ pres-centry.
Ciapier pradstaŭniki BČ uzhadniajuć z čyhunačnymi administracyjami raskład ruchu mižnarodnych ciahnikoŭ.
Śpiecyjalisty adznačyli, što ab adnaŭleńni prodažu kvitkoŭ na ciahniki, jakija jeduć pa terytoryi Ukrainy, budzie paviedamlena dadatkova.
