U subotu, 5 krasavika, u Hrodnie vystupiać publicyst, haradzieniec Alaksandr Fiaduta, kinapradziusar Kasia Kamockaja i režysior Viktar Korzun. Vašaj uvazie prezientacyja filma «Amierykanka. All included», źniataha Biełsatam. Alaksandr Fiaduta pradstavić taksama frahmienty svajoj novaj knihi ŭspaminaŭ pra Hrodna «Moj maleńki Paryž».
Pačatak sustrečy z Alaksandram Fiadutam, Kasiaj Kamockaj i Viktaram Korzunam 5 krasavika a 12.00, pa adrasie: Hrodna, Budzionaha 48a (zała va ŭnutranym dvoryku). Uvachod volny
Film «Amierykanka. All included» raspaviadaje pra pobyt u turmie KDB, u hetak zvanaj «amierykancy», žurnalista i piśmieńnika Alaksandra Fiaduty. Aŭtar pravioŭ u źniavoleńni 110 dzion paśla prezidenckich vybaraŭ 2010 hoda i apisaŭ heta ŭ knizie «Amierykanskija vieršy». Ideja filmu – pierakłaści niesuciašalnuju rečaisnaść na movu litaratury, źmianiŭšy žanr z dramy na kamiedyju. Tady žudasnaja dziaržaŭnaja machina malujecca ŭ iraničnych farbach, robicca zabaŭnaju, pieratvarajecca ŭ karykaturu na samuju siabie.
