Zornaja rasijskaja para trapiła ŭ avaryju ŭ horadzie Prakopjeŭsk Kiemieraŭskaj vobłaści. U aŭtamabil, u jakim jechali Varum i Ahucin, kala miascovaha čyhunačnaha vakzała ŭrezałasia inšaja mašyna.
Na miesca avaryi prybyła kareta chutkaj dapamohi i ahledzieła paciarpiełych. Zornaja para admoviłasia ad špitalizacyi i na inšym aŭtamabili adpraviłasia ŭ haścinicu, kab pryjści ŭ siabie paśla šoku i padrychtavacca da kancertu. U hety ž viečar kancert adbyŭsia, ale Anžalika na scenie nie źjaviłasia. Pra heta hledačam było viadoma zahadzia, adnak nichto nie staŭ zdavać kvitki nazad u kasu.
Supracoŭniki DIBDR rastłumačyli, što vinavatym u avaryi, chutčej za ŭsio, budzie pryznany kiroŭca aŭtamabila Nissan. Jon nie spraviŭsia z kiravańniem i vylecieŭ na sustrečnuju pałasu, dzie i adbyłosia sutyknieńnie z Mercedes-Benz Varum i Ahucina.
