Haradski saviet Sievastopala pryniaŭ rašeńnie ab uvachodžańni horada ŭ skład Rasii ŭ jakaści subjekta RF.
Adpaviednaje rašeńnie było pryniata na pazačarhovaj siesii harsavieta ŭ čaćvier, 6 sakavika. Raniej paviedamlałasia, što harsaviet vynies pytańnie ab uvachodžańni Sievastopala ŭ skład RF na refierendum, pryznačany na 16 sakavika.
U paviedamleńni, apublikavanym na sajcie harsavieta, havorycca, što na pasiadžeńni 6 sakavika było vyrašana, što «horad Sievastopal uvojdzie ŭ skład Rasijskaj Fiederacyi ŭ jakaści subjekta RF».
Rašeńnie, adznačajecca ŭ paviedamleńni harsavieta, było pryniata «kirujučysia Jeŭrapiejskaj chartyjaj miascovaha samakiravańnia, artykułami 38, 69 Kanstytucyi Ukrainy, artykułam 1 Mižnarodnaha pakta ab ekanamičnych, sacyjalnych i kulturnych pravach, artykułam 1 Mižnarodnaha pakta ab hramadzianskich i palityčnych pravach, na padstavie artykułaŭ 7, 26 Zakona Ukrainy «Ab miascovym samakiravańni va Ukrainie».
