Pra heta skazała vice-prezident Jeŭrakamisii, vysoki pradstaŭnik Jeŭrapiejskaha Sajuza pa zamiežnych spravach i palitycy biaśpieki Ketryn Eštan padčas sustrečy sa staršynioj Viarchoŭnaj Rady Ukrainy Alaksandram Turčynavym, paviedamili UNIAN u pres-słužbie VR.
Pavodle słoŭ Eštan, «pradastaŭleńnie nieabchodnych resursaŭ dazvolić vykanać namiečanyja płany». «My hatovyja padtrymać Ukrainu i padać inšym krainam sihnał, što vaša kraina nie tolki vyrašaje prablemy minułaha, ale i hladzić napierad», — skazała jana.
Eštan paviedamiła, što ŭskłała kvietki da miesca hibieli hramadzian Ukrainy ŭ čas trahičnych padziej apošnich dzion u Kijevie i pažadała ŭsiaho najlepšaha narodu Ukrainy. «Ja chaču, kab jon staŭ tym, čym choča stać, — skazała jana. — A my padtrymajem i dapamožam vam u luby sposab».
