U suviazi z praviadzieńniem Alimpijskich hulniaŭ u Sočy z 7 lutaha ŭvodzicca zabarona na pravoz vadkaściaŭ u ručnoj pakłažy na ŭsich avijarejsach ź Biełarusi ŭ Rasiju, paviedamili ŭ pres-słužbie Nacyjanalnaj avijakampanii Minsk.
«Pry prachodžańni pieradpalotnaha ahladu ŭ ručnoj pakłažy pasažyram zaraz zabaraniajecca pranosić lubyja jomistaści (kantejniery, ciubiki i h.d.) z vadkaściami, u tym liku mienš jak 100 mł, — havorycca ŭ paviedamleńni pres-słužby. — Vyklučeńnie składajuć tolki leki, śpiecyjalnyja dyjetyčnyja patrebnaści, dziciačaje charčavańnie, u tym liku maciarynskaje małako, u kolkaści, nieabchodnym na čas palotu, pry ŭmovie ich identyfikacyi padčas pieradpalotnaha ahladu jak biaśpiečnaje pavodle ŭmoŭ avijacyjnaj biaśpieki».
Takaja miera ŭvodzicca dla «zabieśpiačeńnia abaronienaści abjektaŭ hramadzianskaj avijacyi ad aktaŭ niezakonnaha ŭmiašańnia ŭ pieryjad padrychtoŭki i praviadzieńnia XXII Alimpijskich hulniaŭ i XI Paralimpijskich hulniaŭ 2014 hoda ŭ Sočy».
U paviedamleńni pres-słužby nie ŭdakładniajecca, ci budzie źniata heta zabarona paśla zaviaršeńnia spartyŭnych spabornictvaŭ.
