Svabodnych učastkaŭ u Minskim rajonie dla tych, chto žadaje nabyć ziamlu, praktyčna nie zastałosia. Heta vynikaje ź infarmacyi, pradstaŭlenaj prakuroram Minskaj vobłaści Aleham Łaŭruchinym.
Najbolš prablemnym, jak adznačyŭ Łaŭruchin, zastajecca Minski rajon. «Mienavita tut masa hramadzian žadajuć atrymać ziamielnyja ŭčastki», — kanstatavaŭ jon. Tolki za 2013 hod pa vobłaści adabrana i pieraraźmierkavana, u tym liku i pa patrabavańni vorhanaŭ prakuratury, bolš čym 250 učastkaŭ, ź jakich 47 — na terytoryi Minskaha rajona.
Łaŭruchin paviedamiŭ, što na terytoryi Minskaha rajona na ŭliku hramadzian, jakija žadajuć atrymać ziamielnyja ŭčastki, staić 21,5 tys. čałaviek. Pa ŭsioj Minskaj vobłaści — 32 tys. čałaviek. Kolkaść svabodnych učastkaŭ u Minskim rajonie — 338. U 2013 hodzie było vydzielena ŭsiaho 160 učastkaŭ.
