Ad 4 da 9 lutaha ŭ Budapiešcie projduć matčy 1-j hrupy Jeŭra-Afrykanskaj zony Kubka fiederacyi. U hrupie D vystupić kamanda Biełarusi razam sa zbornymy Bałharyi, Partuhalii i Turcyi. Naša zbornaja była zajaŭlenaja ŭ nastupnym składzie: Viktoryja Azaranka, Volha Havarcova, Iłona Kremień, Alaksandra Sasnovič (kapitan kamandy - Taćciana Pučak), paviedamlaje aficyjny sajt BTF.
U składzie biełaruskaj kamandy nie budzie adnaho ź lidaraŭ suśvietnaha tenisu druhoj rakietki śvietu Viktoryi Azaranki. Dadzienaja infarmacyja stała viadomaja sa słoŭ kapitana kamandy Taćciany Pučak, jakaja tolki niadaŭna viarnułasia z adkrytaha čempijanatu Aŭstralii pa tenisie. Kapitan biełaruskaj kamandy sustrakałasia ŭ Mielburnie ź Viktoryjaj i atrymała ad jaje aficyjnuju admovu ad udziełu ŭ turniry.
Raniej Viktoryja paćvierdziła hety fakt u ramkach pres-kanfierencyi paśla parazy ad Ahnieški Radvańskaj z Polščy na stadyi 1/4 finału adkrytaha čempijanatu Aŭstralii pa tenisie.
