UEFA abvieściła raźmierkavańnie zbornych dla losavańnia na adbor da čempijanatu Jeŭropy-2016. Sama pracedura adbudziecca — 23 lutaha.
53 zbornyja ciaham losavańnia buduć raźbityja na 9 hrup — vosiem pa šeść kamand i adzin kvintet. Papiarednie kamandy raźmierkavany pa šaści košykach. Biełaruś apynułasia ŭ čaćviortym.
Košyk 1: Hišpanija (čempijon), Hiermanija, Niderłandy, Italija, Anhlija, Partuhalija, Hrecyja, Rasija, Bośnija i Hiercahavina.
Košyk 2: Ukraina, Charvatyja, Šviecyja, Danija, Šviejcaryja, Bielhija, Čechija, Vienhryja, Irłandyja.
Košyk 3: Sierbija, Turcyja, Słavienija, Izrail, Narviehija, Słavakija, Rumynija, Aŭstryja, Polšča.
Košyk 4: Čarnahoryja, Armienija, Šatłandyja, Finlandyja, Łatvija, Uels, Baŭharyja, Estonija, Biełaruś.
Košyk 5: Isłandyja, Paŭnočnaja Irłandyja, Ałbanija, Litva, Małdova, Makiedonija, Azierbajdžan, Hruzija, Kipr.
Košyk 6: Luksiemburh, Kazachstan, Lichtenštejn, Farerskija vyspy, Malta, Andora, San-Maryna, Hibrałtar.
Nahadajem, što hetym razam UEFA źmianiła farmat praviadzieńnia ČIE jak i farmat praviadzieńnia kvalifikacyjnaha adboru.
U finalnuju stadyju turnira ŭ Francyi vyjduć pa dźvie kamandy z kožnaj hrupy, a taksama adna zbornaja ź liku tych, što finišavali trecimi, jakaja budzie mieć najlepšyja pakazčyki ŭ pajadynkach ź pieršaj, druhoj, čaćviortaj i piataj kamandami svajoj hrupy.
Pazastałyja vosiem zbornych, jakija zaniali trecija miescy, u listapadzie 2015-ha razyhrajuć jašče čatyry pucioŭki ŭ finalnuju stadyju.