Premjera pieršaj sceničnaj viersii paemy Adama Mickieviča «Pan Tadevuš» adbyłasia ŭ Kupałaŭskim 15 studzienia. Usie try premjernyja pakazy (15 – 17 studzienia) prajšli z poŭnym anšłaham.
Nastupnyja pakazy musiać adbycca 19 i 20 lutaha. Ale ŭ troch kasach teatra (u padziemnym pierachodzie la HUMa, praz darohu ad Kupałaŭskaha teatra i na stancyi mietro «Instytut kultury»), jakija abjadnanyja ahulnuju sistemu, kvitkoŭ na luty ŭžo niama. «Usie pradadzieny, pryčym daŭno»– paviedamili karespandentu «NN».
Na siervisach dla prodažu kvitkoŭ kvitki.by i ticketpro.by kvitki nie vystaŭlalisia (choć praz sajty možna zamović miescy na inšyja studzieńskija i lutaŭskija śpiektakli).
Na sajcie Kupałaŭskaha teatra bačnaja tolki afiša na miesiac napierad (adlustravanyja śpiektakli na studzień i luty). Tamu ŭ pačatku lutaha možna čakać sakavickuju afišu.
