Alaksandr Łukašenka nie raz nazyvaŭ byłoha prezidenta Vieniesueły Uha Čavesa svaim siabram. Dniami ŭ jaho honar byŭ nazvany staličny park u miežach vulic Kamiennahorskaj, Lidskaj, Kaleśnikava i Kazimiraŭskaj.
Na sajcie Muzyčnaha teatra źjaviłasia infarmacyja pra sumiesny biełaruska-vieniesuelski prajekt. Jaho pavinna ažyćciavić režysior Hanna Matornaja. Muzyčnym kiraŭnikom prajekta źjaŭlajecca hałoŭny dyryžor teatra Juryj Halas.
Jak vyśvietliŭ maskoŭski sajt «Teatrał», pad sumiesnym prajektam chavajecca miuzikł pra byłoha lidara Vieniesueły. Kiruje prajektam Chierarda Estrada, pieršy sakratar vieniesuelskaha pasolstva i kaardynatar Łacinaamierykanskaha kulturnaha centra ŭ Minsku. Jon ža napisaŭ muzyku da prajektu, a nad libreta, u asnovu jakoha znachodzicca bijahrafija vieniesuelskaha dyktatara, pracujuć biełaruskija dramaturhi.
Premjera adbudziecca letam u Minsku, a paśla u Karakasie.
