U Minskim dziaržaŭnym pałacy dziaciej i moładzi 11 studzienia projdzie dabračynnaja akcyja pa razdačy biazdomnych žyvioł «Być dabru!».
U akcyi voźmuć udzieł 60 katoŭ i sabak, jakich padabrali z vulicy i apiakajuć vałanciory i HAAŽ «Ehida». Usie žyvioły pryščeplenyja, bolšaść — sterylizavanyja, adznačajuć arhanizatary.
Achvotnyja ŭziać hadavanca pavinny mieć pry sabie pašpart, bo pry pieradačy žyvioły novamu ŭładalniku składajecca akt pryjomki-pieradačy. Akramia taho, achvotnyja ŭziać sabaku pavinny mieć pry sabie pavadok i ašyjnik, kata — pieranosku abo sumku. Arhanizatary rekamiendujuć nie pryvodzić nie zarehistravanych u akcyi žyvioł.
Mierapryjemstva budzie prachodzić u Marmurovaj zale pałaca z 13 da 16 hadzin.
U ramkach akcyi adbuducca vystupleńni artystaŭ, konkursy dla dziaciej i darosłych, a taksama ŭznaharodžańnie pieramožcaŭ navahodniaha fotakonkursu.
Na akcyju možna prynieści achviaravańni na ŭtrymańnie žyvioł u prytułku: suchi korm, kansiervy, łatki dla katoŭ, napaŭnialnik dla kacinych prybiralniaŭ, srodki ad hlistoŭ i błoch, pieranoski dla katoŭ i ščaniat i h.d.