Za košt dziaržpošliny — ci, jak jaje adrazu nazvali ŭ narodzie, «transpartnaha padatku» — u dziaržaŭny biudžet ŭ 2014 hodzie płanujuć pryciahnuć 1,6 trłn rubloŭ.
Zakon «Ab respublikanskim biudžecie na 2014 hod» padpisany 31 śniežnia 2013 i apublikavany na Nacyjanalnym pravavym partale 2 studzienia 2014 hoda.
Artykuł 3 Zakona praduhledžvaje «narmatyvy adličeńniaŭ ad … dziaržaŭnaj pošliny za vydaču dazvołu na dopusk transpartnaha srodku da ŭdziełu ŭ darožnym ruchu, jakaja atrymlivajecca na terytoryi Respubliki Biełaruś, u dachod respublikanskaha biudžetu — u pamiery 50%, u dachody kansalidavanych biudžetaŭ abłaściej i biudžetu h. Minska — u pamiery 50%».
Pošlina pavinna być vypłačanaja pierad prachodžańniem techahladu (raz u hod - dla aŭtamabilaŭ starejšym za 10 hadoŭ, raz u dva hady ŭ padvojnym pamiery — dla aŭtamabilaŭ, jakim mieniej za 10 hadoŭ). Staŭki pošliny ŭ asnoŭnym zaležać ad vahi aŭtamabila i prynaležnaści — fizičnaj abo jurydyčnaj asobie.
Artykułam 11 Zakona zaćvierdžany vydatki respublikanskaha biudžetu na finansavańnie darožnaj haspadarki (biez uliku srodkaŭ dziaržaŭnaha metavaha biudžetnaha fondu nacyjanalnaha raźvićcia) — krychu bolš za 3 trłn rubloŭ. Raźmierkavańniem srodkaŭ budzie zajmacca Ministerstva transpartu i kamunikacyj Respubliki Biełaruś.
Savietu Ministraŭ daručana ŭ trochmiesiačny termin zrabić zachady pa realizacyi pałažeńniaŭ hetaha Zakona.
Zakon ustupiŭ u siłu 1 studzienia 2014 hoda.
