Na dumku miedykaŭ, u apošnija hady žančyny stali značna bolš patrabavalnymi ŭ seksualnym płanie da svaich partnioraŭ.
Pry hetym ekśpierty kažuć, što ŭ bolšaści krain nazirajecca tendencyja da pavieličeńnia kolkaści partnioraŭ u žančyn na praciahu ich žyćcia, u toj čas jak kolkaść luboŭnych trafiejaŭ u mužčyn, nasuprać, u cełym źnižajecca, u suviazi z čym padaje i mužčynskaja samaacenka.
Daśledniki ličać, što čakańni žančyn u dačynieńni da mužčyn pavyšanyja. U vyniku takoha cisku adkaznaści mužčyny schilnyja adčuvać siabie niaŭpeŭnienymi i pryhniečanymi. Hetyja vysnovy byli zroblenyja analitykami pa vynikach apytańnia z udziełam bolš za 5 tysiač mužčyn.
Praca viadomaha brytanskaha śpiecyjalista ŭ halinie daśledavańniaŭ, jakija tyčacca seksualnych pytańniaŭ, Trejsi Koks pakazała, što mnohija sučasnyja mužčyny schilnyja da roznych frustracyj.
Vyśvietliłasia, da prykładu, što pryblizna 20% mužčyn, z pryčyny prynižanaj samaacenki, addajuć pieravahu zajmacca seksam pry vyklučanym śviatle.
Tracina apytanych pryznałasia, što pieražyvaje z-za niedastatkovaha seksualnaha vopytu: pa słovach hetych mužčyn, ich samaacenka była b značna vyšej, kali b jany mieli bolšuju kolkaść partniorak. U cełym 65 % mužčyn, jakija prymali ŭdzieł u apytańni, paviedamili, što adčuvajuć peŭnyja prablemy, jakija ŭźnikajuć u pracesie zaniatkaŭ seksam.
Na dumku Trejsi Koks, mužčyny ŭ bolšaści vypadkaŭ schilnyja mocna pierabolšvać svaje seksualnyja zdolnaści, a taksama kolkaść žančyn, ź jakimi jany mieli kantakty.
Padmanvać pra svaje seksualnyja podźvihi mužčyn vymušajuć zavyšanyja standarty, jakija pradjaŭlajuć im žančyny, ličyć ekśpiert. Uličvajučy, što daśledavańni pakazvajuć, jak mocna ŭpłyvaje na zadavolenaść seksualnym žyćciom u dam stupień ahulnaha dabrabytu, navukoŭcy nie vyklučajuć, što pres žanočych čakańniaŭ moža cisnuć na mužčyn navat jašče macniej, čym heta moža zdavacca.
