U internecie praciahvaje iści zbor podpisaŭ suprać uviadzieńnia ŭ Biełarusi dziaržpošliny za vydaču dazvołu na dopusk transpartnaha srodku da ŭdziełu ŭ darožnym ruchu.
Pošlina ŭstanaŭlivajecca prajektam zakona, jaki razhladajecca ciapier u parłamiencie. Miarkujecca, što jana budzie spahaniacca ŭžo z 1 studzienia 2014 hoda adnačasova z prachodžańniem techahladu.
Na placoŭcy www.change.org, pavodle źviestak na 16 śniežnia (13:00), suprać uviadzieńnia dziaržpošliny vykazałasia ŭžo 52 274 čałavieki. Za sutki kolkaść podpisaŭ vyrasła ŭdvaja.
Podpisy staviacca pad listom ministru finansaŭ Andreju Charkaŭcu.
Dziaržaŭnaja pošlina za vydaču dazvołu na dopusk transpartnaha srodku da ŭdziełu ŭ darožnym ruchu dla bolšaści biełarusaŭ moža skłaści ad 3 da 10 bazavych vieličyń (adna bazavaja vieličynia ciapier składaje 130 tys. rubloŭ). Pamier dziaržpošliny budzie zaležać ad dazvolenaj maksimalnaj masy transpartnaha srodku, a taksama ad taho, chto źjaŭlajecca ŭładalnikam.
Adznačym, što anłajn-pietycyi padobnaha vyhladu ni da čaho nie abaviazvajuć ułady.
Zakanadaŭstva Biełarusi praduhledžvajuć kalektyŭnyja zvaroty hramadzianaŭ, na jakija čynoŭniki abaviazanyja davać adkaz. A kali sabrana bolš za 30 podpisaŭ, hramadzianie majuć prava zapatrabavać sustrečy z adpaviednym čynoŭnikam.
