Druhi film Pitera Džeksana z tryłohii pra pryhody chobita ŭznačaliŭ śpis lidaraŭ paŭnočnaamierykanskaha kinaprakatu ŭ pieršyja vychadnyja paśla suśvietnaj premjery, paviedamlaje BiełTA.
Stužka «Chobit: pustka Smaŭha» za 13—15 śniežnia sabrała ŭ kinateatrach Kanady i ZŠA 73,7 młn dalaraŭ.
Praŭda, druhoj častcy tryłohii nie ŭdałosia pabić rekord pieršaj stužki, jakaja vyjšła ŭ śniežni 2012 hoda. Karcina «Chobit: Niečakanaje padarožža» za pieršyja vychodnyja prakatu hod tamu zarabiła $84,8 młn, a za ŭvieś čas prakatu jaje suśvietnyja zbory skłali bolš za miljard dalaraŭ.
U Minsku, u kinateatrach, «Chobit: pustka Smaŭha» budzie demanstravacca z 18 śniežnia. Praciahłaść filma amal try hadziny.
U hałoŭnaj roli - Marcin Frymen, 1 studzienia ź jaho udziełam čakajecca jašče adna premjera - 3-ci siezon sieryjała Bi-Bi-Si pra XXI st. «Šerłak», dzie Frymen hraje doktara Vatsana.