Haradziency 1986 i 1989 hadoŭ naradžeńnia stvaryli tavarystva z abmiežavanaj adkaznaściu pa vydačy pazykaŭ pad vysokija pracenty. Chto nie viartaŭ hrošy, z tych ich «vybivali» siłaj.
«U pieryjad z červienia pa kastryčnik 2013 jany prymušali žychara Hrodna 1992 hoda naradžeńnia viarnuć z pracentami pazyku ŭ pamiery 2 miljonaŭ rubloŭ. Dla hetaha
vyvieźli jaho na mohiłki, pahražali zabojstvam, demanstrujučy pnieŭmatyčny pistalet, prymušali kapać sabie mahiłu,
— paviedamiŭ pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič. — U dalejšym z metaj viartańnia pazyki i atrymańnia zvyšprybytku sprabavali aformić na daŭžnika ŭ kredyt pakupku darahoj bytavoj techniki, prymušali pracavać na ich, zabrali dakumienty».
Pa słovach Šaršanieviča, ustanoŭleny fakt, kali tyja ž chłopcy z krasavika pa vierasień hvałtam «vybivali» viartańnie adnaho miljona z pracentami z 45-hadovaj haradzienki.
Abodva padazravanyja znachodziacca pad vartaj. Śledčyja praciahvajuć vyśviatlać, ci byli jašče ździejśnieny padobnyja złačynstvy.
Dźvie kryminalnyja spravy zaviedzieny za prymus da vykanańnia damoŭlenych abaviazalnictvaŭ z užyvańniem hvałtu, ździejśnieny hrupaj asobaŭ. Da dziesiaci hadoŭ turmy.
Kali niechta paciarpieŭ, moža źviartacca na: (0152) 65-96-49, (0152) 72-40-40.
