Alaksandr Łukašenka i Ilcham Alijeŭ adkryli novy budynak pasolstva Biełarusi ŭ Baku. Źviarnuła ŭvahu, što pobač z Alaksandram Łukašenkam nie było nikoha, chto b padchapiŭ razrezanuju čyrvonuju stužku. I jon zasunuŭ jaje sabie, cimaleńkuju, prosta ŭ nahrudnuju kišeniu, što i zafiksavała fotakamiera karespandenta ahienctva BiełTA.
Novy budynak pasolstva mieścicca ŭ novym kvartale azierbajdžanskaj stalicy. Kala stancyi mietro «Šach Ismaił Chatai». Jak adznačyŭ biełaruski pasoł Mikałaj Packievič, heta biełaruski ŭniosak u maštabny prajekt Alijeva pa razbudovie Baku, jaki nazyvajecca «Bieły horad».
Karespandent «NN» letam bačyŭ budynak pasolstva ŭ Baku. Jon zajmaje ahramadnuju terytoryju. Kali paraŭnoŭvać ź Minskam, to pa płoščy moža paraŭniacca chiba rasijskaje pasolstva na Navavilenskaj. Aproč ułasna budynka pasolstva, majecca jašče niekalki pabudovaŭ.
Cikava, što pasolstva adkrytaje nasuprać adzinaha ŭ Baku katalickaha kaścioła.
