Fota poranny.pl.
19 listapada ŭ balnicy pamierła maci błasłaŭlonaha ksiandza Ježy Papiałuški.
Marjana Papiałuška vyhadavała piać synoŭ. Dažyvała ŭ vioscy Akopy na Padlaššy ŭ siamji adnaho z synoŭ. Ad 10 listapada jana lažała ŭ haradskim špitali Biełastoka.
Viadoma, što Papiałuški ŭ siamji havaryli pa-biełarusku, ale, jak i ŭsie biełarusy-kataliki Polščy, mieli čysta polskuju nacyjanalnuju śviadomaść. Na siońnia biełaruskamoŭnych katalikoŭ u polskaj Sakolščynie nie zastałosia, usie jany pierajšli na polskuju movu.
Ježy Papiałuška byŭ kapiełanam «Salidarnaści» i ŭsialak padtrymlivaŭ polskuju apazicyju ŭ časy PNR. Jaho zabili ahienty biaśpieki — jak śćviardžali ŭłady, biez zahadu. Da cieła pryviazali kamień i kinuli ŭ vadaschovišča na Visłu. Ale niejkim cudam cieła vyniesła na bierah, i takim čynam praŭda adkryłasia. Aficeraŭ, jakija ździejśnili złačynstva, asudzili da turemnaha źniavoleńnia jašče za Jaruzelskaha.