Upraŭleńniem Śledčaha kamiteta pa Minsku zavieršana rasśledavańnie kryminalnaj spravy u dačynieńni da zahadčycy i advakata jurydyčnaj kansultacyi Savieckaha rajona Minska, a taksama dyrektara kamiercyjnaha pradpryjemstva.
Zahadčyca i advakat jurydyčnaj kansultacyi byli zatrymanyja supracoŭnikami KDB u vieraśni hetaha hoda z dokazam złačynstva pry atrymańni niezakonnaha hrašovaha ŭznaharodžańnia.
Niepasredna pry pieradačy hrošaj byŭ zatrymany i pasrednik — dyrektar adnaho z pryvatnych kamiercyjnych pradpryjemstvaŭ stalicy.
10 tys. dalaraŭ jeradaŭ zatrymanym žychar Minska nibyta dla dalejšaj pieradačy ŭ jakaści chabaru słužbovym asobam pravaachoŭnych orhanaŭ za spryjalnaje vyrašeńnie pytańnia ab raspačynańni kryminalnaj spravy pa fakcie ŭčynienych u dačynieńni da zhadanaha hramadzianina supraćpraŭnych dziejańniaŭ.
U dačynieńni da zatrymanych upraŭleńniem KDB pa Minsku i Minskaj vobłaści była raspačataja kryminalnaja sprava pa prykmietach składu złačynstva, praduhledžanaha č. 5 art. 16 KK (saŭdzieł u złačynstvie) i č. 2 art. 431 KK (dača chabaru).
Jak paviedamili ŭ SK, dziejańni słužbovych asob jurydyčnaj kansultacyi i dyrektara pradpryjemstva kvalifikavanyja śledstvam jak zamach na machlarstva i padbuchtorvańnie da dačy chabaru ŭ bujnym pamiery. Miera strymańnia ŭ dačynieńni da abvinavačvanych zastajecca raniejšaj — uziaćcie pad vartu. Kryminalnaja sprava pieradadzienaja prakuroru dla nakiravańnia ŭ sud.
