Šosty hulec minčukoŭ -- Cmok. Vielmi ekspresiŭna pavodzicca na placoŭcy, fota Vadzima Zamiroŭskaha, tut.by
U matčy 6-ha tura baskietbolnaha turniru Adzinaja liha VTB «Cmoki-Minsk» na «Minsk-Arenie» 17 listapada pieramahli «Astanu» ź likam 82:68 (25:19, 9:15, 28:18, 20:16).
Paśla pieršaj pałovy lik byŭ roŭny ŭ matčy — 34:34, ale ŭ pačatku treciaha pieryjadu minčuki ździejśnili adryŭ, jaki zachavali da kanca matču.
Najlepšym u «Cmokaŭ» byŭ Pavieł Uljanka, jaki nabraŭ 18 punktaŭ, ź ich — piać trochačkovych.
U Branka Mirkaviča — čatyry trochačkovyja (usiaho nabranych 14 punktaŭ), u Vinsenta Charpera — dva (usiaho 12 punktaŭ).
Paśla 6 turaŭ u «Cmokaŭ» čatyry pieramohi i dźvie parazy — hetaje treciaje miesca ŭ hrupie.
1. Chimki — 5-0, 2. CSKA — 4-0, 3. Cmoki — 4-2, 4. Čyrvonyja Kryły — 3-3, 5. Krasny Akciabr — 2-3, 6. Tryumf — 2-3, 7. Astana — 2-4, 8. VEF — 2-4, Azoŭmaš — 2-4, 10. Niaptunas — 1-4.
Nastupny matč «Cmoki» praviaduć 1 śniežnia: na «Minsk-Arenie» suprać lidara hrupy «Chimkaŭ».
A 20 listapada na «Minsk-Arenie» ŭ turniry Jeŭračelendž — matč z «Salnokam».