U piatnicu, 8 listapada, na tarhach BVFB biełaruski rubiel umacavaŭsia da košyka valut na 0,12% za košt pasłableńnia jeŭra i rasijskaha rubla. Adnak dalar vyras da maksimalnaha značeńnia.
Tak, kurs dalara dadaŭ 20 rubloŭ da 9 250 biełaruskich rubloŭ.
Z pačatku listapada jon vyras na 20 rubloŭ, a z pačatku hoda rost skłaŭ užo 680 rubloŭ.
Kurs jeŭra siońnia źniziŭsia adrazu na 50 rubloŭ da 12 400 biełaruskich. Zaraz jeŭra znachodzicca na minimalnym uzroŭni za apošnija 23 dni. Z pačatku miesiaca jeŭravaluta straciła 250 rubloŭ.
Učora Jeŭrapiejski Centrabank niečakana dla bolšaści ekanamistaŭ u 2 razy paniziŭ ulikovuju staŭku. Heta pryviało da taho, što jeŭra pačaŭ słabieć da suśvietnych valut.
Minimalny kurs jeŭra ŭ hetym hodzie — 11 100 biełaruskich rubloŭ, a maksimalny — 12 680 rubloŭ.
Kurs rasijskaha rubla źniziŭsia na 0,5 rubla da 284,0 biełaruskich. Heta minimalnaje značeńnie za apošnija 25 dzion. Z pačatku miesiaca rubiel RF asłabiŭsia da biełaruskaha ŭžo na 4,0 rubli.
Maksimalny kurs rasijskaha rubla ŭ hetym hodzie dachodziŭ da 289,5 rubla, a minimalny źnižaŭsia da 265,5.
