Sud Prymorskaha rajona Sankt-Pieciarburha (Rasija) vydaŭ sankcyju na aryšt śviatara Hleba Hrazoŭskaha — duchoŭnaha nastaŭnika futbolnaha kłuba «Zienit», jaki padazrajecca ŭ zhvałčańni niepaŭnaletnich.
spbda.ru
SK zavioŭ kryminalnuju spravu suprać 34-hadovaha Hrazoŭskaha pavodle čaćviortaj častki artykuła 134 KK RF («pałavyja znosiny z dvuma abo bolš asobami, jakija nie dasiahnuli šasnaccacihadovaha ŭzrostu») 20 vieraśnia.
Pavodle viersii śledstva, śviatar zhvałciŭ prynamsi piaci dziaŭčynak va ŭzroście ad dzieviaci da 14 hadoŭ.
Hrazoŭski byŭ aryštavany zavočna, bo ciapier jaho miescaznachodžańnie nieviadoma śledčym. Majucca źviestki, što śviatar paśla zaviadzieńnia spravy moh źjechać u Izrail.
Hrazoŭski viadomy jak duchoŭny nastaŭnik FK «Zienit». Z 2007 hoda jon zajmaje pasadu daradcy hienieralnaha dyrektara kłuba pa duchoŭna-maralnych pytańniach.
U maładości jon sam źjaŭlaŭsia prafiesijnym futbalistam, adnak byŭ vymušany admovicca ad spartyŭnaj karjery z-za traŭmy.
