Pasolstva Rasii nakiravała zapyt u MZS Biełarusi ab sustrečy z aryštavanym u Minsku hiendyrektaram «Urałkalija» Uładzisłavam Baŭmhiertnieram.
Ab hetym paviedamiŭ rasijski konsuł Ihar Karahin.
«Zapyt nakiravany na minułym tydni praz MZS u Śledčy kamitet, — skazaŭ jon. — Adkazu čakajem abo da 7 listapada, abo ŭžo paśla».
Karahin udakładniŭ, što heta «zvyčajnaja płanavaja sustreča», jakaja pavinna pravodzicca nie radziej za adzin raz na dva miesiacy. Sam Baŭmhiertnier ab sustrečy z konsulskimi supracoŭnikami nie prasiŭ.
U.Baŭmhiertnier byŭ zatrymany ŭ Minsku 26 žniŭnia ŭ ramkach rasśledavańnia raspačatych Hienprakuraturaj spravy pa č. 3 art. 424 KK (złoŭžyvańnie ŭładaj i słužbovymi paŭnamoctvami) u dačynieńni da słužbovych asob ZAT «Biełaruskaja kalijnaja kampanija» i źmieščany ŭ SIZA KDB. 26 vieraśnia jon byŭ pieraviedzieny pad chatni aryšt. 28 kastryčnika SK paviedamiŭ, što termin rasśledavańnia kryminalnaj spravy ŭ dačynieńni da hiendyrektara «Urałkalija» praciahnuty na dva miesiacy.