Kožnaja šostaja zamužniaja žančyna na praciahu cełaha hoda abo daŭžej nie dazvalaje mužu bačyć siabie całkam aholenaj z-za niaŭpeŭnienaści va ŭłasnaj pryvabnaści. Pry hetym 40% žančyn ličać, što takaja saramlivaść škodzić ich siamiejnamu žyćciu.
Brytanskija sacyjołahi apytali 1902 žančyny pa ŭsioj krainie, kab daviedacca, nakolki jany ŭpeŭnienyja ŭ sabie i ŭłasnym ciele. Jak viadoma, sumnievy ŭ pryvabnaści i niaŭpeŭnienaść u sabie — samy raspaŭsiudžany žanočy kompleks, jaki časam navat pieravažvaje sumnievy z-za ŭłasnaj vahi.
Vyśvietliłasia, što kožnaja šostaja žančyna saromiejecca całkam raspranacca pierad svaim mužam. I jana nie ahalałasia ŭ jaho prysutnaści žonka ŭžo na praciahu 12 miesiacaŭ ci daŭžej.
Pałova z žančyn, jakija admaŭlajucca raspranacca pierad mužami, robiać tak z-za niaŭpeŭnienaści va ŭłasnaj pryvabnaści, a tracina vinavacić nizkaje libida.
Prykładna 40 % apytanych zajavili, što z-za padobnaj saramlivaści pakutuje ich siamiejnaje žyćcio, a ŭ 36 % stałyja sproby prykryć haliznu ŭ prysutnaści muža navat pryvodzili da siamiejnych svarak i kanfliktaŭ.
«Upeŭnienaść va ŭłasnym ciele — heta značny elemient žanočaj seksualnaści, i jaje niedachop naradžaje šmatlikija prablemy, — kaža Sara Bejli z farmaceŭtyčnaj kampanii UKMedix.com, jakaja zamoviła apytańnie. — Vielmi vysoki adsotak zamužnich žančyn nie dazvalaje svaim mužam bačyć siabie biez adzieńnia.
Žančyny pavinny pamiatać, što navat kali im i nie padabajecca ŭłasnaje cieła, isnuje vierahodnaść taho, što mužčyna jaho lubić, i nie varta achviaravać siamjoj i adnosinami z-za niaŭpeŭnienaści ŭ sabie».
