Pa spravie hiendyrektara «Urałkalija» Uładzisłava Baŭmhiertniera, jaki znachodzicca pad chatnim aryštam u Minsku, pravodzicca vialiki abjom składanych ekśpiertyz.
Pra heta paviedamiŭ žurnalistam 24 kastryčnika staršynia Dziaržaŭnaha kamiteta sudovych ekśpiertyz Andrej Švied. Jon udakładniŭ, što ekśpiertyzy pravodziacca jak u orhanie, jaki jon uznačalvaje, tak i z pryciahnieńniem śpiecyjalistaŭ inšych viedamstvaŭ.
Z žurnalistami Švied sustrakaŭsia pierad pačatkam kalehii Dziaržkamiteta sudovych ekśpiertyz. Dla ŭdziełu ŭ pracy kalehii sabralisia kiraŭniki šerahu pravaachoŭnych orhanaŭ, u tym liku prybyŭ staršynia Śledčaha kamiteta Biełarusi Valancin Šajeŭ.
Šajeŭ admoviŭsia adkazvać na pytańni ab tym, jakoje kankretna abvinavačańnie ciapier vystaŭlena Baŭmhiertnieru, ci atrymlivała Biełaruś zapyt Rasii na jaho ekstradycyju i ci budzie pradoŭžany termin śledstva pa hetaj spravie, jaki zakančvajecca ŭ kancy hetaha tydnia.
Svaju pazicyju kiraŭnik SK matyvavaŭ tym, što hetyja pytańni nie źjaŭlajucca pradmietam taho mierapryjemstva, na jakoje jon prybyŭ. «Heta nie značyć, što ja nie viedaju, što tam adbyvajecca», — padkreśliŭ jon.
Uładzisłaŭ Baŭmhiertnier byŭ zatrymany ŭ Minsku 26 žniŭnia.
