Padčas adkryćcia III Mižnarodnaha Kanhresa daśledčykaŭ Biełarusi ŭ Kaŭnasie, pasoł Litvy ŭ Biełarusi Evałdas Ihnatavičus zakranuŭ temu litoŭska-biełaruskich adnosin.
Jon nahadaŭ, što tavaraabarot pamiž Litvoj i Biełaruśsiu ŭ minułym hodzie dasiahnuŭ miljarda jeŭra, a litoŭskija inviestycyi ŭ Mahiloŭskuju zonu svabodnaha handlu, dzie, darečy, vyrablajecca mebla dla kampanii IKEA, dasiahnuli 100 młn nŭra.
Taksama Ihnatavičus nahadaŭ, što ŭ minułym hodzie Litvu naviedali 400 000 biełarusaŭ, a kolkaść vydadzienych vizaŭ pavialičyłasia na 40%.
«Usio bolš i bolš biełarusaŭ naviedvajuć Litvu. Ja mahu znoŭ nazvać Vilniu biełaruskim horadam, zrazumieła, troški ŭ inšym, čym u čas Janki Kupały, sensie. Ale my hatovyja vyrašać vizavyja pytańni i spadziajemsia, što takija padziei, jak hety Kanhres, dazvolać Litvie znoŭ nabyć dla biełarusaŭ važny sens u halinie kulturnaha abmienu i inšych śfierach žyćcia», — skazaŭ jon.
